သီဟတင္စုိး၏အမႈအားလီဆယ္တိုင္ၾကားျခင္းျဖစ္ေၾကာင္း ရဲတပ္ဖြဲ႕အတည္ျပဳ

လြန္ခဲ့တဲ့တစ္ပတ္ေလာက္မွာထြက္ေပၚလာခဲ့တဲ့ သရုပ္ေဆာင္သီဟတင္စုိးက သူ႔ေနအိမ္မွ အိ္မ္အကူအမ်ိဳးသမီးေဒၚဇင္မာျမင့္ကို မဖြယ္မရာျပဳပါတယ္ဆိုျပီး အမႈဖြင့္တုိင္ၾကားျခင္းရဲ႕ အျဖစ္မွန္ကေပၚေပါက္လို႔လာခဲ့ပါျပီ။ ဒီတိုင္ၾကားမႈျဖစ္ျဖစ္ခ်င္း ရဲတပ္ဖြဲ႕က သီဟတင္စုိးရဲ႕ ေနအိမ္ကုိသြားေရာက္ခဲ့ေပမယ့္ သီဟတင္စိုးကိုမေတြ႕ခဲ့တဲ့အျပင္ ေနာက္ရက္အတန္ၾကာသည္အထိ ရဲစခန္းကိုေရာက္လာျခင္းမရွိတဲ့အျဖစ္ကို သီဟတင္စိုးက ပစၥယမီဒီယာနဲ႔ဖုန္းအဆက္အသြယ္ရရွိခဲ့ရာမွာ အိမ္အကူရဲ႕အခန္းထဲကုိ သူ ေျခတစ္လွမ္းေတာင္မက်ဴးဖူးေၾကာင္းနဲ႔နွလံုးခြဲထားတာျဖစ္လို႔အရက္လည္းမေသာက္ေၾကာင္း၊ သူ႔မွာအျပစ္မရွိေၾကာင္း၊ခုလိုလူထြက္မလာဘူးဆိုတာကလည္း ေၾကာက္လုိ႔ေရွာင္ေနတာမဟုတ္ပဲ အခိ်န္မက်ေသးလို႔ထြက္မလာေသးတာျဖစ္ေၾကာင္းေျပာၾကားခဲ့ပါတယ္။ ဒီျဖစ္ရပ္နဲ႔ပတ္သက္ျပီး 18.7.2018 ေန႔လည္ တစ္နာရီငါးဆယ့္ငါးမိနစ္မွာ ရန္ကုန္တုိင္းရဲတပ္ဖြဲ႕က အမႈမွန္ေပၚေပါက္သြားျပီျဖစ္ေၾကာင္းလူထုကိုအသိေပးအေၾကာင္းၾကားခဲ့ပါတယ္။

ရန္ကုန္တိုင္းရဲတပ္ဖြဲ႕က သီဟတင္စုိးရဲ႕အမႈနဲ႔ပတ္သက္ျပီး Official Facebook Page ကေနတစ္ဆင့္

“ရုပ္ရွင္သရုပ္ေဆာင္ သီဟတင္စုိးအေပၚ အိမ္အကူျဖစ္သူ ေဒၚခင္မာျမင့္ကမုဒိမ္းမႈျဖင့္ အေရးယူ ေပးရန္ တုိင္တန္းသည့္ အမႈႏွင့္စပ္လ်ဥ္း၍ အမႈမွန္ ေပၚေပါက္ေရးအတြက္ ရန္ကုန္တုိင္းေဒသႀကီး ရဲတပ္ဖြဲ႕မွ မႈခင္းေဖာ္ထုတ္ေရးရဲတပ္ဖြဲ႕ဝင္မ်ားက စစ္ေဆးေဆာင္ရြက္ခဲ့ရာ တုိင္တန္းသည့္ အမႈမွာ မွန္ကန္မႈ မရွိေၾကာင္း သိရွိရပါသည္။ျဖစ္စဥ္မွာ သဃၤန္းကၽြန္းၿမိဳ႕နယ္၊ ႀကီးပြားေရး ရပ္ကြက္၊ ျပည္ေထာင္စုရိပ္မြန္အိမ္ရာရွိ ရုပ္ရွင္သရုပ္ေဆာင္ သီဟတင္စုိးေနအိမ္တြင္ အသက္(၇၅)ႏွစ္အရြယ္ရွိေဒၚဇင္မာဦး၏ မိခင္ျဖစ္သူအား ျပဳစုရန္ အိမ္အကူျဖစ္သူခင္မာျမင့္(၄၀)ႏွစ္အား အခင္းမျဖစ္မီ (၈)ရက္ခန္႔က ေခၚယူထားရွိခဲ့ရာ၁၃-၇-၂၀၁၈ ရက္ေန႔ ည ၈ နာရီအခ်ိန္ခန္႔တြင္ ေဒၚဇင္မာဦးမွ အျပင္သုိ႔သြားေရာက္ေနစဥ္ သီဟတင္စုိးမွ ေနအိမ္သုိ႔ ျပန္လည္ေရာက္ရွိလာၿပီးခင္မာျမင့္အား သားမယားအျဖစ္ျပဳက်င့္ခဲ့ေၾကာင္း တုိင္တန္းခ်က္အရသုဝဏၰ နယ္ေျမရဲစခန္း(ပ)၃၈၆/၂၀၁၈၊ ရာဇသတ္ႀကီးပုဒ္မ ၃၇၆ ျဖင့္အမႈဖြင့္ အေရးယူေဆာင္ရြက္ခဲ့ပါသည္။

အမႈမွန္ေဖာ္ထုတ္ရရွိေရးအတြက္ ရန္ကုန္တုိင္းေဒသႀကီးရဲတပ္ဖြဲ႔မွဴးကုိယ္တုိင္ အနီးကပ္ႀကီးၾကပ္္၍ အေရွ႕ပုိင္းခရုိင္ရဲတပ္ဖြဲ႕မွဴးႏွင့္ မႈခင္းႏွိမ္နင္းေရးဌာနစုမွ ရဲတပ္ဖြဲ႕ဝင္မ်ား၊ သဃၤန္းကၽြန္းၿမိဳ႕နယ္ ရဲတပ္ဖြဲ႕မွ ရဲတပ္ဖြဲ႕ဝင္မ်ားပါဝင္ေသာ အထူးအမႈစစ္အဖြဲ႕ ဖြဲ႕စည္း စံုစမ္းေဆာင္ရြက္ခဲ့ပါသည္။အထူးအမႈစစ္အဖြဲ႕မွ တရားလုိ ခင္မာျမင့္(ခ)ညိဳညိဳ(ခ)ဇင္မာျမင့္အား သက္ေသမ်ားႏွင့္အတူ စစ္ေဆး ေဆာင္ရြက္ခဲ့ရာ ခင္မာျမင့္(ခ)ညိဳညိဳ(ခ) ဇင္မာျမင့္မွာ လြန္ခဲ့ေသာ (၄)ႏွစ္ခန္႔က ခင္ပြန္းျဖစ္သူ ေလျဖတ္ၿပီးေနာက္မိသားစုစားဝတ္ေနေရး အဆင္မေျပသျဖင့္ အိမ္အကူလုပ္ရန္ ေဒၚညိဳႏွင့္ ဆက္သြယ္ခဲ့ၿပီး ေဒၚညိဳမွ အိ္မ္အကူလုပ္၍ အိမ္ရွင္ေယာက္်ားမ်ားအား မိန္းမမူယာမာယာျဖင့္ ျမဴဆြယ္၍ မုဒိမ္းမႈျဖစ္ေအာင္ ျပဳလုပ္ရန္ႏွင့္ အမႈျဖစ္ပါက ေငြေၾကးညွိႏိႈင္းသည့္ ကိစၥကုိ ၄င္းမွ တာဝန္ ယူေဆာင္ရြက္မည္ျဖစ္ေၾကာင္း ေျပာဆုိၿပီး လုပ္ႀကံဖန္တီး၍ ရရွိေသာေငြေၾကးကုိ ခြဲေဝသံုးစြဲမည္ဟု သင္ၾကားေပးခဲ့ေၾကာင္း သိရွိရပါသည္။

ဆက္လက္စစ္ေဆးခဲ့ရာ ခင္မာျမင့္(ခ)ညိဳညိဳ(ခ)ဇင္မာျမင့္သည္ လြန္ခဲ့ေသာ(၄)ႏွစ္ခန္႔က ေဒၚညိဳ၏ ဆက္သြယ္ေပးမႈျဖင့္ တာေမြၿမိဳ႕နယ္၊ ေက်ာက္ေျမာင္းရပ္ကြက္ရွိ ေဒၚ—-၏ ေနအိမ္တြင္ အိမ္ အကူအျဖစ္စတင္ဝင္ေရာက္လုပ္ကုိင္ခဲ့ၿပီး လစာ(၁)သိန္းခြဲရရွိေၾကာင္း၊ အိမ္ရွင္၏ ခင္ပြန္းမွာ ဗုိလ္မွဴး (ၿငိမ္း) ျဖစ္ေၾကာင္း၊ အိမ္အကူလုပ္ရင္း အိမ္ရွင္အမ်ဳိးသားအား ျမဴဆြယ္ရန္ အဆင္မေျပသျဖင့္ တစ္ႏွစ္ခန္႔ေနၿပီး အလုပ္မွ ထြက္ခဲ့ေၾကာင္း၊ ဒုတိယအႀကိမ္ အိမ္အကူလုပ္ငန္းကုိလည္း ေဒၚညိဳမွဆက္သြယ္ေပးမႈျဖင့္ ပုဇြန္ေတာင္ၿမိဳ႕နယ္ ေစ်းအနီးရွိ ေနအိမ္တြင္ လုပ္ကုိင္ခဲ့ရာ အဆုိပါအိမ္တြင္ ျမဴဆြယ္လုပ္ႀကံဖန္တီးရန္ ေယာက္်ားမရွိသျဖင့္အဆင္မေျပ၍ အလုပ္မွ ထြက္ခဲ့ေၾကာင္း၊ တတိယအႀကိမ္ အိမ္အကူလုပ္ငန္းကုိ ေဒၚညိဳ၏ အဆက္အသြယ္ျဖင့္ ဗဟန္းၿမိဳ႕နယ္ေန ရုပ္ရွင္သရုပ္ေဆာင္ ေနဆန္း၏ ေနအိမ္တြင္ အိမ္အကူ လုပ္ကုိင္ခဲ့ေၾကာင္း၊ကုိေနဆန္းတုိ႔ လင္မယားမွာ ခရီးထြက္ေနၾကသျဖင့္ ေနအိမ္တြင္ကေလးမ်ားႏွင့္ ကုိေနဆန္း၏ မိခင္သာက်န္ရွိျခင္းေၾကာင့္ ျမဴဆြယ္ရန္အဆင္မေျပ၍ အလုပ္မွထြက္ခဲ့ေၾကာင္း၊ စတုတၱ အႀကိမ္ အိမ္အကူလုပ္ငန္းကုိလည္း ေဒၚညိဳ၏ အဆက္အသြယ္ျဖင့္ ဒဂံုအေရွ႕ၿမိဳ႕နယ္၊ (၉)ရပ္ကြက္ရွိ ေနအိမ္တြင္လုပ္ကုိင္ခဲ့ေၾကာင္း၊

၄င္းအိမ္တြင္လည္း ေရာဂါသည္အဖြားအုိတစ္ဦးသာ ေနထုိင္ခဲ့ျခင္းေၾကာင့္ ျမဴဆြယ္ရန္ အဆင္မေျပ သျဖင့္ အလုပ္မွထြက္ခဲ့ေၾကာင္း၊ ပဥၥမအႀကိမ္အိမ္အကူလုပ္ငန္းကုိ တာေမြၿမိဳ႕နယ္ရွိတိရစာၦန္ေဆးကု ဆရာဝန္ အမ်ဳိးသမီးတစ္ဦး၏ ေနအိမ္တြင္ လုပ္ကုိင္ခဲ့ရာအဆင္မေျပသျဖင့္ အလုပ္မွထြက္ခဲ့ေၾကာင္း၊ ဆ႒မအႀကိမ္ အိမ္အကူလုပ္ငန္းကုိ ေဒၚညိဳ၏ ဆက္သြယ္ေပးမႈျဖင့္ ပဲခူးတုိင္းေဒသႀကီး၊ ပဲခူးေစ်းအနီးရွိ တရုတ္လူမ်ဳိးတစ္ဦး၏ေနအိမ္တြင္ အိမ္အကူလုပ္ခဲ့ရာ အိမ္ရွင္မိသားစုမွာ ရန္ကုန္သြားေနစဥ္ ၄င္းေနအိမ္တြင္ အလုပ္လုပ္သည့္ ကုလားဆုိသူမွ၄င္းအား သားမယားအျဖစ္ျပဳက်င့္ ရန္ႀကံစည္ခဲ့ရာ မေအာင္ျမင္သျဖင့္ ေဒၚညိဳအား ေျပာျပခဲ့ရာ ေဒၚညိဳမွ သားမယားအျဖစ္ျပဳက်င့္ခံရသည္ဟုေျပာဆုိရန္ သင္ေပးၿပီး တရုတ္မိသားစုထံမွ ေလ်ာ္ေၾကးေငြေတာင္းခံခဲ့ေသာ္လည္း အဆင္မေျပသျဖင့္ ပဲခူးအမွတ္ (၃)ရဲစခန္းတြင္ သားမယားအျဖစ္ျပဳက်င့္ခံရသည္ဟု မမွန္မကန္လီဆယ္တုိင္ၾကားရန္ ေဒၚညိဳမွေစခုိင္းျခင္းေၾကာင့္ တုိင္တန္းခဲ့ေၾကာင္း သိရွိရပါသည္။

ရုပ္ရွင္သရုပ္ေဆာင္ သီဟတင္စုိးေနအိမ္တြင္ အိမ္အကူလုပ္ရန္ ေဒၚညိဳ၏ဆက္သြယ္ေပးမႈေၾကာင့္ ၅-၇-၂၀၁၈ ရက္ေန႔တြင္ ေရာက္ရွိခဲ့ၿပီးအသက္(၇၅)ႏွစ္အရြယ္ရွိ ေဒၚဇင္မာဦး၏ မိခင္အား ျပဳစုေပးရန္ ေခၚယူထားျခင္းျဖစ္ရာ ေဒၚဇင္မာဦးမရွိခုိက္ သီဟတင္စုိးမွ ၄င္းအား သားမယားျပဳက်င့္ခဲ့ေၾကာင္း လိမ္ညာ ေျပာဆုိရန္ ေဒၚညိဳ သင္ျပသည့္အတုိင္းလိမ္ညာေျပာဆုိ ႀကံစည္၍အမႈေရးဖြင့္ခဲ့ျခင္း ျဖစ္ေၾကာင္း သိရွိရပါသည္။

မခင္မာျမင့္အား အိမ္အကူလုပ္ရန္ ဆက္သြယ္ေပးသူ ေဒၚညိဳ(၆၅)ႏွစ္အားစစ္ေဆးခဲ့ရာ သီဟတင္စုိးမွ ခင္မာျမင့္(ခ)ညိဳညိဳ(ခ)ဇင္မာျမင့္အားသားမယားျပဳက်င့္ခဲ့ေၾကာင္း ရဲစခန္းတြင္ အမႈဖြင့္ရန္ႏွင့္ ေငြေၾကးညွိႏႈိင္းပါက ၄င္းမွ ေစ်းစကားေျပာမည္ျဖစ္ေၾကာင္းေျပာဆုိခဲ့ၿပီး၊ သီဟတင္စုိး၏ဇနီး ဇင္မာဦး အား နစ္နာမႈအတြက္ ေငြက်ပ္သိန္း(၁၀၀)ေပးပါကေက်နပ္မည္ျဖစ္ေၾကာင္း ေတာင္းဆုိမႈအေပၚ လိုက္နာျခင္းမရွိသျဖင့္သုဝဏၰနယ္ေျမရဲစခန္းတြင္ အမႈဖြင့္တုိင္ၾကားခဲ့ေၾကာင္းသိရွိ ရပါသည္။အလားတူ ျဖစ္စဥ္မ်ဳိး သာေကတနယ္ေျမရဲစခန္းတြင္လည္းမသင္းသင္းထက္ေအာင္မွ တရားလုိျပဳ လုပ္္၍ ဆရာဝန္တစ္ဦးအားအမႈေရးဖြင့္တုိင္တန္းခဲ့ဖူးေၾကာင္း၊ ပဲခူးၿမိဳ႕မရဲစခန္းတြင္လည္း ခင္မာညိဳ(ခ)ညိဳညိဳ(ခ)ဇင္မာျမင့္မွ တရားလုိျပဳလုပ္္၍ အမ်ဳိးသားတစ္ဦးအား မုဒိမ္းမႈျဖင့္ ေရးဖြင့္တုိင္တန္းခဲ့ေၾကာင္း သိရပါ သည္။

ရန္ကုန္တိုင္းေဒသႀကီးရဲတပ္ဖြဲ႕အေနျဖင့္ သရုပ္ေဆာင္ သီဟတင္စုိးအေပၚမုဒိမ္းမႈျဖင့္ အေရးယူရန္ တုိင္တန္းခ်က္မွာ မွန္ကန္မႈမရွိဘဲ တရားလုိခင္မာျမင့္(ခ)ညိဳညိဳ(ခ)ဇင္မာျမင့္ႏွင့္ ေဒၚညိဳတုိ႔ပူးေပါင္း၍ လီဆယ္တုိင္တန္းျခင္းျဖစ္ေၾကာင္း ေဖာ္ထုတ္ရရွိသျဖင့္ ဥပေဒႏွင့္အညီထိေရာက္စြာ အေရးယူ ေဆာင္ရြက္ႏုိင္ေရး ဆက္လက္ေဆာင္ရြက္လ်က္ရွိေၾကာင္း သတင္းရရွိပါသည္။” လို႔ ေရးသားတင္ျပထားခဲ့ျပီး အမွႈနဲ႔ပတ္သက္ျပီး ျပည္သူကုိရွင္းလင္းထားခဲ့တာျဖစ္ပါတယ္။

ေျပာခ်င္လြန္းလို႔ပရိသတ္ၾကီးေရ.. ပရိသတ္ခ်စ္တဲ့သိီဟတင္စိုးရဲ႕အမႈကေတာ့ အမႈမွန္ေပၚေပါက္သြားျပီမုိ႔ ပရိသတ္ၾကီးလည္းဝမ္းသာေနၾကမယ္ထင္ပါတယ္။ဒီအမႈဟာ ေရရွည္မွာအမွန္တရားဘက္ကသာ နုိင္စျမဲပဲဆိုတာ သက္ေသျပလိုက္ျခင္းပါပဲ။

Can’t Wait To Say

Unicode

လွန်ခဲ့တဲ့တစ်ပတ်လောက်မှာထွက်ပေါ်လာခဲ့တဲ့ သရုပ်ဆောင်သီဟတင်စိုးက သူ့နေအိမ်မှ အိ်မ်အကူအမျိုးသမီးဒေါ်ဇင်မာမြင့်ကို မဖွယ်မရာပြုပါတယ်ဆိုပြီး အမှုဖွင့်တိုင်ကြားခြင်းရဲ့ အဖြစ်မှန်ကပေါ်ပေါက်လို့လာခဲ့ပါပြီ။ ဒီတိုင်ကြားမှုဖြစ်ဖြစ်ချင်း ရဲတပ်ဖွဲ့က သီဟတင်စိုးရဲ့ နေအိမ်ကိုသွားရောက်ခဲ့ပေမယ့် သီဟတင်စိုးကိုမတွေ့ခဲ့တဲ့အပြင် နောက်ရက်အတန်ကြာသည်အထိ ရဲစခန်းကိုရောက်လာခြင်းမရှိတဲ့အဖြစ်ကို သီဟတင်စိုးက ပစ္စယမီဒီယာနဲ့ဖုန်းအဆက်အသွယ်ရရှိခဲ့ရာမှာ အိမ်အကူရဲ့အခန်းထဲကို သူ ခြေတစ်လှမ်းတောင်မကျူးဖူးကြောင်းနဲ့နှလုံးခွဲထားတာဖြစ်လို့အရက်လည်းမသောက်ကြောင်း၊ သူ့မှာအပြစ်မရှိကြောင်း၊ခုလိုလူထွက်မလာဘူးဆိုတာကလည်း ကြောက်လို့ရှောင်နေတာမဟုတ်ပဲ အချိန်မကျသေးလို့ထွက်မလာသေးတာဖြစ်ကြောင်းပြောကြားခဲ့ပါတယ်။ ဒီဖြစ်ရပ်နဲ့ပတ်သက်ပြီး 18.7.2018 နေ့လည် တစ်နာရီငါးဆယ့်ငါးမိနစ်မှာ ရန်ကုန်တိုင်းရဲတပ်ဖွဲ့က အမှုမှန်ပေါ်ပေါက်သွားပြီဖြစ်ကြောင်းလူထုကိုအသိပေးအကြောင်းကြားခဲ့ပါတယ်။

ရန်ကုန်တိုင်းရဲတပ်ဖွဲ့က သီဟတင်စိုးရဲ့အမှုနဲ့ပတ်သက်ပြီး Official Facebook Page ကနေတစ်ဆင့်

“ရုပ်ရှင်သရုပ်ဆောင် သီဟတင်စိုးအပေါ် အိမ်အကူဖြစ်သူ ဒေါ်ခင်မာမြင့်ကမုဒိမ်းမှုဖြင့် အရေးယူ ပေးရန် တိုင်တန်းသည့် အမှုနှင့်စပ်လျဉ်း၍ အမှုမှန် ပေါ်ပေါက်ရေးအတွက် ရန်ကုန်တိုင်းဒေသကြီး ရဲတပ်ဖွဲ့မှ မှုခင်းဖော်ထုတ်ရေးရဲတပ်ဖွဲ့ဝင်များက စစ်ဆေးဆောင်ရွက်ခဲ့ရာ တိုင်တန်းသည့် အမှုမှာ မှန်ကန်မှု မရှိကြောင်း သိရှိရပါသည်။ဖြစ်စဉ်မှာ သင်္ဃန်းကျွန်းမြို့နယ်၊ ကြီးပွားရေး ရပ်ကွက်၊ ပြည်ထောင်စုရိပ်မွန်အိမ်ရာရှိ ရုပ်ရှင်သရုပ်ဆောင် သီဟတင်စိုးနေအိမ်တွင် အသက်(၇၅)နှစ်အရွယ်ရှိဒေါ်ဇင်မာဦး၏ မိခင်ဖြစ်သူအား ပြုစုရန် အိမ်အကူဖြစ်သူခင်မာမြင့်(၄၀)နှစ်အား အခင်းမဖြစ်မီ (၈)ရက်ခန့်က ခေါ်ယူထားရှိခဲ့ရာ၁၃-၇-၂၀၁၈ ရက်နေ့ ည ၈ နာရီအချိန်ခန့်တွင် ဒေါ်ဇင်မာဦးမှ အပြင်သို့သွားရောက်နေစဉ် သီဟတင်စိုးမှ နေအိမ်သို့ ပြန်လည်ရောက်ရှိလာပြီးခင်မာမြင့်အား သားမယားအဖြစ်ပြုကျင့်ခဲ့ကြောင်း တိုင်တန်းချက်အရသုဝဏ္ဏ နယ်မြေရဲစခန်း(ပ)၃၈၆/၂၀၁၈၊ ရာဇသတ်ကြီးပုဒ်မ ၃၇၆ ဖြင့်အမှုဖွင့် အရေးယူဆောင်ရွက်ခဲ့ပါသည်။

အမှုမှန်ဖော်ထုတ်ရရှိရေးအတွက် ရန်ကုန်တိုင်းဒေသကြီးရဲတပ်ဖွဲ့မှူးကိုယ်တိုင် အနီးကပ်ကြီးကြပ််၍ အရှေ့ပိုင်းခရိုင်ရဲတပ်ဖွဲ့မှူးနှင့် မှုခင်းနှိမ်နင်းရေးဌာနစုမှ ရဲတပ်ဖွဲ့ဝင်များ၊ သင်္ဃန်းကျွန်းမြို့နယ် ရဲတပ်ဖွဲ့မှ ရဲတပ်ဖွဲ့ဝင်များပါဝင်သော အထူးအမှုစစ်အဖွဲ့ ဖွဲ့စည်း စုံစမ်းဆောင်ရွက်ခဲ့ပါသည်။အထူးအမှုစစ်အဖွဲ့မှ တရားလို ခင်မာမြင့်(ခ)ညိုညို(ခ)ဇင်မာမြင့်အား သက်သေများနှင့်အတူ စစ်ဆေး ဆောင်ရွက်ခဲ့ရာ ခင်မာမြင့်(ခ)ညိုညို(ခ) ဇင်မာမြင့်မှာ လွန်ခဲ့သော (၄)နှစ်ခန့်က ခင်ပွန်းဖြစ်သူ လေဖြတ်ပြီးနောက်မိသားစုစားဝတ်နေရေး အဆင်မပြေသဖြင့် အိမ်အကူလုပ်ရန် ဒေါ်ညိုနှင့် ဆက်သွယ်ခဲ့ပြီး ဒေါ်ညိုမှ အိ်မ်အကူလုပ်၍ အိမ်ရှင်ယောက်ျားများအား မိန်းမမူယာမာယာဖြင့် မြူဆွယ်၍ မုဒိမ်းမှုဖြစ်အောင် ပြုလုပ်ရန်နှင့် အမှုဖြစ်ပါက ငွေကြေးညှိနှိုင်းသည့် ကိစ္စကို ၄င်းမှ တာဝန် ယူဆောင်ရွက်မည်ဖြစ်ကြောင်း ပြောဆိုပြီး လုပ်ကြံဖန်တီး၍ ရရှိသောငွေကြေးကို ခွဲဝေသုံးစွဲမည်ဟု သင်ကြားပေးခဲ့ကြောင်း သိရှိရပါသည်။

ဆက်လက်စစ်ဆေးခဲ့ရာ ခင်မာမြင့်(ခ)ညိုညို(ခ)ဇင်မာမြင့်သည် လွန်ခဲ့သော(၄)နှစ်ခန့်က ဒေါ်ညို၏ ဆက်သွယ်ပေးမှုဖြင့် တာမွေမြို့နယ်၊ ကျောက်မြောင်းရပ်ကွက်ရှိ ဒေါ်—-၏ နေအိမ်တွင် အိမ် အကူအဖြစ်စတင်ဝင်ရောက်လုပ်ကိုင်ခဲ့ပြီး လစာ(၁)သိန်းခွဲရရှိကြောင်း၊ အိမ်ရှင်၏ ခင်ပွန်းမှာ ဗိုလ်မှူး (ငြိမ်း) ဖြစ်ကြောင်း၊ အိမ်အကူလုပ်ရင်း အိမ်ရှင်အမျိုးသားအား မြူဆွယ်ရန် အဆင်မပြေသဖြင့် တစ်နှစ်ခန့်နေပြီး အလုပ်မှ ထွက်ခဲ့ကြောင်း၊ ဒုတိယအကြိမ် အိမ်အကူလုပ်ငန်းကိုလည်း ဒေါ်ညိုမှဆက်သွယ်ပေးမှုဖြင့် ပုဇွန်တောင်မြို့နယ် စျေးအနီးရှိ နေအိမ်တွင် လုပ်ကိုင်ခဲ့ရာ အဆိုပါအိမ်တွင် မြူဆွယ်လုပ်ကြံဖန်တီးရန် ယောက်ျားမရှိသဖြင့်အဆင်မပြေ၍ အလုပ်မှ ထွက်ခဲ့ကြောင်း၊ တတိယအကြိမ် အိမ်အကူလုပ်ငန်းကို ဒေါ်ညို၏ အဆက်အသွယ်ဖြင့် ဗဟန်းမြို့နယ်နေ ရုပ်ရှင်သရုပ်ဆောင် နေဆန်း၏ နေအိမ်တွင် အိမ်အကူ လုပ်ကိုင်ခဲ့ကြောင်း၊ကိုနေဆန်းတို့ လင်မယားမှာ ခရီးထွက်နေကြသဖြင့် နေအိမ်တွင်ကလေးများနှင့် ကိုနေဆန်း၏ မိခင်သာကျန်ရှိခြင်းကြောင့် မြူဆွယ်ရန်အဆင်မပြေ၍ အလုပ်မှထွက်ခဲ့ကြောင်း၊ စတုတ္တ အကြိမ် အိမ်အကူလုပ်ငန်းကိုလည်း ဒေါ်ညို၏ အဆက်အသွယ်ဖြင့် ဒဂုံအရှေ့မြို့နယ်၊ (၉)ရပ်ကွက်ရှိ နေအိမ်တွင်လုပ်ကိုင်ခဲ့ကြောင်း၊

၄င်းအိမ်တွင်လည်း ရောဂါသည်အဖွားအိုတစ်ဦးသာ နေထိုင်ခဲ့ခြင်းကြောင့် မြူဆွယ်ရန် အဆင်မပြေ သဖြင့် အလုပ်မှထွက်ခဲ့ကြောင်း၊ ပဥ္စမအကြိမ်အိမ်အကူလုပ်ငန်းကို တာမွေမြို့နယ်ရှိတိရစ္ဆာန်ဆေးကု ဆရာဝန် အမျိုးသမီးတစ်ဦး၏ နေအိမ်တွင် လုပ်ကိုင်ခဲ့ရာအဆင်မပြေသဖြင့် အလုပ်မှထွက်ခဲ့ကြောင်း၊ ဆဋ္ဌမအကြိမ် အိမ်အကူလုပ်ငန်းကို ဒေါ်ညို၏ ဆက်သွယ်ပေးမှုဖြင့် ပဲခူးတိုင်းဒေသကြီး၊ ပဲခူးစျေးအနီးရှိ တရုတ်လူမျိုးတစ်ဦး၏နေအိမ်တွင် အိမ်အကူလုပ်ခဲ့ရာ အိမ်ရှင်မိသားစုမှာ ရန်ကုန်သွားနေစဉ် ၄င်းနေအိမ်တွင် အလုပ်လုပ်သည့် ကုလားဆိုသူမှ၄င်းအား သားမယားအဖြစ်ပြုကျင့် ရန်ကြံစည်ခဲ့ရာ မအောင်မြင်သဖြင့် ဒေါ်ညိုအား ပြောပြခဲ့ရာ ဒေါ်ညိုမှ သားမယားအဖြစ်ပြုကျင့်ခံရသည်ဟုပြောဆိုရန် သင်ပေးပြီး တရုတ်မိသားစုထံမှ လျော်ကြေးငွေတောင်းခံခဲ့သော်လည်း အဆင်မပြေသဖြင့် ပဲခူးအမှတ် (၃)ရဲစခန်းတွင် သားမယားအဖြစ်ပြုကျင့်ခံရသည်ဟု မမှန်မကန်လီဆယ်တိုင်ကြားရန် ဒေါ်ညိုမှစေခိုင်းခြင်းကြောင့် တိုင်တန်းခဲ့ကြောင်း သိရှိရပါသည်။

ရုပ်ရှင်သရုပ်ဆောင် သီဟတင်စိုးနေအိမ်တွင် အိမ်အကူလုပ်ရန် ဒေါ်ညို၏ဆက်သွယ်ပေးမှုကြောင့် ၅-၇-၂၀၁၈ ရက်နေ့တွင် ရောက်ရှိခဲ့ပြီးအသက်(၇၅)နှစ်အရွယ်ရှိ ဒေါ်ဇင်မာဦး၏ မိခင်အား ပြုစုပေးရန် ခေါ်ယူထားခြင်းဖြစ်ရာ ဒေါ်ဇင်မာဦးမရှိခိုက် သီဟတင်စိုးမှ ၄င်းအား သားမယားပြုကျင့်ခဲ့ကြောင်း လိမ်ညာ ပြောဆိုရန် ဒေါ်ညို သင်ပြသည့်အတိုင်းလိမ်ညာပြောဆို ကြံစည်၍အမှုရေးဖွင့်ခဲ့ခြင်း ဖြစ်ကြောင်း သိရှိရပါသည်။

မခင်မာမြင့်အား အိမ်အကူလုပ်ရန် ဆက်သွယ်ပေးသူ ဒေါ်ညို(၆၅)နှစ်အားစစ်ဆေးခဲ့ရာ သီဟတင်စိုးမှ ခင်မာမြင့်(ခ)ညိုညို(ခ)ဇင်မာမြင့်အားသားမယားပြုကျင့်ခဲ့ကြောင်း ရဲစခန်းတွင် အမှုဖွင့်ရန်နှင့် ငွေကြေးညှိနှိုင်းပါက ၄င်းမှ စျေးစကားပြောမည်ဖြစ်ကြောင်းပြောဆိုခဲ့ပြီး၊ သီဟတင်စိုး၏ဇနီး ဇင်မာဦး အား နစ်နာမှုအတွက် ငွေကျပ်သိန်း(၁၀၀)ပေးပါကကျေနပ်မည်ဖြစ်ကြောင်း တောင်းဆိုမှုအပေါ် လိုက်နာခြင်းမရှိသဖြင့်သုဝဏ္ဏနယ်မြေရဲစခန်းတွင် အမှုဖွင့်တိုင်ကြားခဲ့ကြောင်းသိရှိ ရပါသည်။အလားတူ ဖြစ်စဉ်မျိုး သာကေတနယ်မြေရဲစခန်းတွင်လည်းမသင်းသင်းထက်အောင်မှ တရားလိုပြု လုပ််၍ ဆရာဝန်တစ်ဦးအားအမှုရေးဖွင့်တိုင်တန်းခဲ့ဖူးကြောင်း၊ ပဲခူးမြို့မရဲစခန်းတွင်လည်း ခင်မာညို(ခ)ညိုညို(ခ)ဇင်မာမြင့်မှ တရားလိုပြုလုပ််၍ အမျိုးသားတစ်ဦးအား မုဒိမ်းမှုဖြင့် ရေးဖွင့်တိုင်တန်းခဲ့ကြောင်း သိရပါ သည်။

ရန်ကုန်တိုင်းဒေသကြီးရဲတပ်ဖွဲ့အနေဖြင့် သရုပ်ဆောင် သီဟတင်စိုးအပေါ်မုဒိမ်းမှုဖြင့် အရေးယူရန် တိုင်တန်းချက်မှာ မှန်ကန်မှုမရှိဘဲ တရားလိုခင်မာမြင့်(ခ)ညိုညို(ခ)ဇင်မာမြင့်နှင့် ဒေါ်ညိုတို့ပူးပေါင်း၍ လီဆယ်တိုင်တန်းခြင်းဖြစ်ကြောင်း ဖော်ထုတ်ရရှိသဖြင့် ဥပဒေနှင့်အညီထိရောက်စွာ အရေးယူ ဆောင်ရွက်နိုင်ရေး ဆက်လက်ဆောင်ရွက်လျက်ရှိကြောင်း သတင်းရရှိပါသည်။” လို့ ရေးသားတင်ပြထားခဲ့ပြီး အမှှုနဲ့ပတ်သက်ပြီး ပြည်သူကိုရှင်းလင်းထားခဲ့တာဖြစ်ပါတယ်။

ပြောချင်လွန်းလို့ပရိသတ်ကြီးရေ.. ပရိသတ်ချစ်တဲ့သိီဟတင်စိုးရဲ့အမှုကတော့ အမှုမှန်ပေါ်ပေါက်သွားပြီမို့ ပရိသတ်ကြီးလည်းဝမ်းသာနေကြမယ်ထင်ပါတယ်။ဒီအမှုဟာ ရေရှည်မှာအမှန်တရားဘက်ကသာ နိုင်စမြဲပဲဆိုတာ သက်သေပြလိုက်ခြင်းပါပဲ။

Can’t Wait To Say