ဟာသကားရိုက်ဖို့ အိုက်တင်တွေကို မြင့်မြတ်ဆီကလေ့လာရမယ်ဆိုတဲ့ ရဲတိုက်

အနုပညာလောကထဲကနေ အကြောင်းကိစ္စတခုကြောင့် ခဏပျောက်ကွယ်သွားတဲ့ မင်းသားရဲတိုက်ကတော့ လက်ရှိချိန်မှာ အနုပညာလောကထဲကိုတော့ အကောင်းဆုံး ရုပ်ရှင်တွေနဲ့ ပြန်လည်ဝင်ရောက်လာခဲ့ပြီ ဖြစ်ပါတယ်။ ရဲတိုက်ကတော့ ဒဏ္ဍာရီမိုး ဆိုတဲ့ ရုပ်ရှင်နဲ့ ပရိသတ်တွေရဲ့ စိတ်ဝင်စားမှုကို ခံနေရတာ ဖြစ်ပါတယ်။ သရုပ်ဆောင် ပီပြင်လှတဲ့ ရဲတိုက်ကတော့ သူ့အနေနဲ့ နောက်ထပ် ရုပ်ရှင်ဇာတ်ကားတွေ အများကြီး ရိုက်ဖို့ရှိနေပါတယ်။

ဒဏ္ဍာရီမိုး ဇာတ်ကားရိုက်ပြီးနောက်မှာတော့ ရဲတိုက်က ခေါ်သံ ဆိုတဲ့ ရုပ်ရှင်ရိုက်ဖို့ အစီအစဉ်ရှိနေပြီး ဒီဇာတ်ကားထဲမှာတော့ မင်းသား မင်းသမီးတွေ များစွာ ပါဝင်တာ ဖြစ်ပါတယ်။ ရဲတိုက်ကတော့ ဒီဇာတ်ကားလေးဟာ ဟာသကားလေး ဖြစ်ပြီး သူ့အနေနဲ့ ဟာသကားတွေ သိပ်မရိုက်ဖူးတာကြောင့် ဟာသဇာတ်ရုပ်တွေကို မြင့်မြတ်ဆီကနေ လေ့လာရမယ်လို့ ပြောကြားသွား ခဲ့တာ ဖြစ်ပါတယ်။

ရဲတိုက်ကတော့ အင်တာဗျူးတွင် မင်းသား ၅ ယောက်ပါဝင်မယ့် ခေါ်သံ ဇာတ်ကားမှာ ပါဝင်မယ့် အကြောင်းနဲ့ ပတ်သက်ပြီး “ဟာသကားပါ။ ကိုဘိုစန်းနဲ့ ကျနော်တို့ကြားမှာ ရှိတဲ့ ယုံကြည်မှု ပျက်ပြားသွားတဲ့ အတွက် ပြန်လည် စမ်းသပ်တာပါ။ ယုံကြည်မှု တခုကို ဇာတ်ကားတခုနဲ့ ပြန်လည်စမ်းသပ်တဲ့ သဘောမျိုးပေါ့။ ပြန်ရိုက်လို့ရလားပေါ့။ ကျနော်ကလည်း ရိုက်လို့ရပါတယ်ပေ့ါ။ ပြောရလို့ရှိရင်တော့ အနုပညာသမား အချင်းချင်း ကြေးခေါ်ပြီးတော့ ဖဲရိုက်တဲ့သဘောပါပဲ”

ဟာသဇာတ်ရုပ်အတွက် ဘယ်လိုပြင်ဆင်သွားမလဲဆိုတဲ့ အပေါ်မှာတော့ “မြင့်မြတ်ကားတွေ နည်းနည်းပြန်ကြည့်မယ်။ သူ့ဟာသကားတွေ ပြန်ကြည့်မယ်။ သူ့အိုက်တင်လေးတွေ ကြည့်မယ်။ ဘာလို့လဲဆိုတော့ ဟာသက ကျနော့်လိုင်းမဟုတ်ဘူး။ ဒီလိုမျိုး တခါတလေ အကြောင်း ကိစ္စနဲ့ လုပ်တယ်ဆိုတော့ အဲ့ဒါ ကျနော် သူများဟာ ငှားသုံးမယ်” ဟု ပြောကြားသွား ခဲ့ပါတယ်။

Be the first to comment

Leave a Reply

Your email address will not be published.


*