နေတိုးနဲ့ နေထူးနိုင်ထိပ်တိုက်တွေ့မယ့်စစ်ကားရိုက်နေတယ်ဆိုတဲ့ ကိုပေါက်

ကိုပေါက်ဟာဆိုရင် သူကြီးသားဇာတ်ရုပ်နဲ့ ပရိသတ်တော်တော်များများသိလာကြတဲ့ သရုပ်ဆောင်တစ်ဦးဖြစ်ပြီး နောက်ပိုင်းမှာ ဒါရိုက်တာတစ်ဦးအဖြစ်အနုပညာဖန်တီးမှုလုပ်လာပြီး ပရိသတ်အားပေးမှုရရှိထားတာလည်းဖြစ်ပါတယ်။ သရုပ်ဆောင်အသစ်တွေတော်တော်များများကိုလမ်းညွှန်ပြသပေးခဲ့တဲ့ ကိုပေါက်က မကြာသေးမီက မီဒီယာတွေနဲ့အင်တာဗျူးမှာ လက်ရှိအနုပညာလှုပ်ရှုားမှုတွေအကြောင်းပြောပြသွားပါတယ်။

လက်ရှိအနုပညာလှုပ်ရှားမှုအနေနဲ့ စစ်ကားရိုက်နေကြောင်း ကိုပေါက်က “Seventh Sense ကနေရိုက်မယ့်ရုပ်ရှင်ပေါ့နော်။ ဒီဇာတ်ကားမှာ ပါဝင်မယ့်သရုပ်ဆောင်တွေက နေတိုး၊ကျော်ကျေ်ာဗိုလ်၊ရွှေထူး၊မြင့်မြတ်၊ နေမျိုးအောင်၊နေထူးနိုင်၊အောင်ပိုင်၊ကျော်ဇောဟိန်း၊ ညီညီမင်းထက်နဲ့ အခြားလူရွှင်တော်တွေအများကြီးပါမယ့် ရုပ်ရှင်ဖြစ်တယ်။ ဒီရုပ်ရှင်သည် comedian ပါမယ်၊ action ပါမယ်၊ adventure ပါမယ်။ Drama ပါမယ်ပေါ့နော်။ ပရိသတ်ကို ရသအစုံလေးကျွေးထားတယ်ပေါ့နော်”လို့ ပြောပြထားပါတယ်။

စစ်ကားဆိုပေမယ့် လူတွေထင်နေကြတဲ့ ပေါ်လစီကားမဟုတ်ကြောင်း “အရေးကြီးတာလေးပြောချင်တာက စစ်ကားစစ်ကားဆိုပြီးတော့ ကျွန်တော်တို့ ဒီကားသည် နိုင်ငံတော်ကားမဟုတ်ပါဘူး။ ပေါ်လစီကားမဟုတ်ပါဘူး။ စစ်တပ်ကောင်းကြောင်းတွေရေရွတ်ပြီးတော့ လုပ်ဆောင်ချက်တွေပြောမယ့်ကားလည်းမဟုတ်ဘူး။ ပရိသတ်တွေကို ရယ်စရာတွေပျော်စရာတွေ၊လွမ်းစရာတွေချစ်စရာတွေပေးမယ်။ မြင်နေတဲ့ဟာနဲ့ တခြားစီဖြစ်မှာပါလို့ပြောချင်ပါတယ်”လို့ ပြောထားပါတယ်။

အဲဒီရုပ်ရှင်ရဲ့ ဇာတ်လမ်းအကြောင်းကို ကိုပေါက်က “ဒီဇာတ်ကားထဲမှာ ရှိတဲ့ရွာပေါ့။အဲဒီရွာက ကျွန်တော့်ရဲ့ စိတ်ကူးထဲက စိတ်ကူးယဉ်ထားတဲ့ ရွာလေးတစ်ရွာသာဖြစ်တယ်။ ဒီရွာမှာနေနေကြတဲ့ ဇာတ်ကောင်တွေအားလုံးသည်လည်း ကျွန်တော့်ရဲ့ စိတ်ကူးယဉ်ထားသော လူသားတွေ ဇာတ်ကောင်တွေသာဖြစ်တယ်။ ဒီထဲမှာအဝတ်အစား costume ဆိုရင်လည်း အဲဒီခေတ်အဲဒီအခါနဲ့ နီးစပ်တဲ့အဝတ်အစား ချည်ထည်တွေသာရွေးချယ်ကြတယ်။ ရွေးချယ်ပြီးတော့အဝတ်အစားဒီဇိုင်းဆိုရင်လည်း ကိုယ့်ဘာသာပြန်လုပ်ထားတာ။ဒီထဲက plot တွေအကုန်လုံးသည် ကျွန်တော့်ရဲ့ စိတ်ကူးယဉ်ထဲက ဟာတွေသာဖြစ်တယ်။ တအားကြီးတွေ ဒုတိယကမ္ဘာစစ်ဖြစ်ပြီး ဟိုပစ္စည်းကျမရှိဘူး၊ ဒီပစ္စည်းတော့မရှိဘူးဆိုတာတွေ ဝိရောဓိတွေမဖြစ်ကြပါနဲ့လို့ ကျွန်တော်စိတ်ကူးယဉ်ထားတဲ့ဟာလေးလို့သာမြင်ပေးပါလို့” ပြောထားပါသေးတယ်။

မရှိသေးတဲ့ မင်းသားအတွဲအစပ်တွေနဲ့ တွဲပြီးရိုက်ဖို့စီစဉ်ထားတယ်လို့လည်း “ကျွန်တော်က မင်းသားတွေ ခေါင်တွေကို ဘယ်လိုတွဲရမလဲ စဉ်းစားတာပေါ့။ နေတိုးနဲ့ ကျော်ကျော်ဗိုလ်ဆိုရင်ရှိတယ်။ ဒါပေမယ့် နေတိုးနဲ့ထူးအောင်ဆိုမရှိဘူးလေ။ ထူးအောင်နဲ့ ရွှေထူးဆိုတာလည်းမရှိဘူး။ နေတိုးနဲ့ရွှေထူးဆိုတာလည်းမရှိဘူး အဲ့လိုအတွဲအစပ်တွေနဲ့ကိုမှ နေမျိုးအောင်တို့နေထူးနိုင်တို့လည်း ထပ်တွဲထားတယ်။ ပရိသတ်စိတ်ဝင်စားမယ့်အတွဲအစပ်တစ်ခုကိုကျွန်တော်က တည်ဆောက်တာပေါ့”လို့ ဖြေကြားထားပါတယ်။